Nolako egokitzapenak egiten ditugu etorri berriekin?

Eva Mª Aguaded Ramírezek kultura aniztasuna dagoen gelatan eginiko ikerketa batean, besteak beste, honakoa ondorioztatu zuen:

"El profesorado percibe la diversidad desde el déficit de aprendizaje que pueden presentar los niños procedentes de minorías. Por tanto, las medidas de tipo metodológico que introducen en el aula van más encaminadas a incidir sobre este décifit que a favorecer su integración social grupo-clase. Si el profesorado pone en marcha algún tipo de cambio organizativo no es en función del origen étnico en si sino por problemas de aprendizaje o disciplina. Cuando se refiere a introducir cambios se refiere fundamentalmente a  "bajar los niveles" o a utilizar criterios de evaluación menos exigentes con el alumnado de minorías presente en el aula."

Eva Mª Aguaded Ramírez
Ikerketa osoa ikusteko

¿De dónde son los hijos de los inmigrantes?. La construcción de la identidad y la escuela.

Oso interesgarria Amelia Barquinen idatzia.
klikatu hemen

Munduaren eredu garela uste dugu...

...baina Bintari ez zaio arrazoirik falta!!!

BESTE METOLOGIA BATZUEKIN LANEAN

"Inguru" denontzat

Urtarrilean 6.mailako gela batetan inguru beste era batetan antolatzen saituko gara. Hona hemen gure asmoa eta aurrera eramango dugun antolaketa:

Lehenengo saioa.
1.- Irakasleak ikasleei gaia aurkeztuko die.
2.- Ikasleek gai horri buruz dakitena jasoko du irakasleak arbelean*.
3.- 4-5 ikasletako taldeak egingo ditugu.
4.- Taldeetan jasotako ideia horien inguruan hitz egingo dute eta koadernoak apuntatuko dituzte.
*Irakasleak garatu beharreko puntu garrantzitsuenak indartuko ditu, garrantzi gutxiago izan dezaketen ideiak baztertu gabe. Ondoren etxean lanarekin jarrai dezatela esango die eta jasotako informazio guztia apunta dezatela.

Bigarren saioa
1.- Din A3 tamainuko orri bat banatuko diogu ikasle bakoitzari.
2.- Orriaren erdian gaiaren izenburua idatziko du ikasleak.
3.- Jasotako ideiak nagusiak inguruan apuntatuko ditu eta berak gelan eta etxean eskura dituen baliabideetatik jasotako informazioa gehitzen joango da.
Irudiak, marrazkiak edo bestelako informazio grafikoa ere jaso dezakete, internetetik, aldizkarietatik, liburuetatik....
4.- Norberak jasotako informazioa beste ikaskedeekin elkarbanatuko du.
5.- Gelan bertan eskura egongo den materialarekin (internet, beste argitaletxe batzutako testu liburuak...) informazioa osotzen jarraituko du ikasle bakoitzak*.
Ikasleek eskura izango duten materiala  formato eta hizkuntza desberdinetan egongo da. Euskara dakiten ikasleek euskaraz egingo dute. Beste ikasleek ahal duten hizkuntzan.
Hainbat iturritatik  jasotako informazioaz gain, norberaren esperientziak, ezagupenak eta anekdotak jaso daitezke.

Hirugarren saioa
1.- Taldeka, ideiak eta jasotako informazioa elkarbanatuko ditugu.
2.- Lehenengo 20'etan norbera bere taldean arituko da lanean. Ondoren taldez aldatu ahal izango dute informazio gehiago jaso ahal izateko bai beste ikaskideek emana bai gela eskura izango duten materiala aztertuz.

Dinamika honek jarraituko du  irakasleari egoki iruditzen zaion bitartean.

Azken saioa
Bakoitzak bere mapa kontzeptuala azalduko du.

Kontutan hartzeko:
- Komenigarria litzateke gelan irakasle bat baino gehiago egotea, edo behintzat pertsona heldu bat "dinamizatzen laguntzeko".
- Euskara ikasten ari den ikasleren bat baldin badago, materiala berak dakien hizkuntzan prestatu beharko genuke edo interneten web helbideak prest izan. Irudiak lagungarri izan daitezke lantzen ari garen puntuak ulertu eta informazioa elkarbanatzeko.
- Ikasleek gmail kontuen bidez eta google-docs bitartez informazioa elkarbanatu dezakete. Horretarako aurrez ikasle bakoitzak gmail kontua ireki beharko luke. Bertan informazioa nondik jaso duen, lana nola egituratzen ari den edo beste edozein informazioa elkarbatu dezake ikaskideekin.

Nola ebaluatu ikaslearen lana
Ikasle bakoitzak egindako lana jaso eta aztertuko dugu.
                   a) Ondo antolatu ditu ideiak.
                   b) Informazioa nahikoa jasu du.
                   d) Jasotako informazioa esanguratsua izan da.
                   e) Ikasleak berak bere kabuz jasotako informazioa dago.
                   f) Beste ikaskideen informazioa jaso du.
                   g) Iturri desberdinetatik jaso du informazioa.

Nola ebaluatu prozesu osoa
Irakasleak orainarte aipatutako guztia aurrera eraman ostean,prozesua bera ebaluatu beharko luke.
                  a) Ikasleek egoki erabili dituzte prozedurak.
                              - Teknologia berriak
                              - Talde lana
                              - Informazio bilketa
                  b) Ikasleek kontzeptuzko edukinak barneratu dituzte.
              
Urtarrilean ikusiko ditugu emaitzak...

Gorputz Hezkuntzan etorri berriei bidea errazten.

 Baliteke Gorputz Hezkuntza eskolan dugun baliabide egokiena izatea etorri berriei lehenengo egunetan  eroso sentiarazten laguntzeko. Ikaslea jolasean dagoen bitartean ikaskide berriekin erlazionatzen da modu naturalean, kooperazio estrategiak espontaneoki erabiltzen ditu, lagun berrien "maila" berean dago eta ez du bere burua gutxiezten. Gainera, oso gustuko dituen jardueretan gertatzen dira gauza guzti hauek.
Irakasleok saioak prestatzen ditugunean malguak izan behar dugu eta ikasle berri baten etorrerak beharrezko diren aldaketak eragin beharko lituzke Gorputz Hezkuntzako saioetan.
Jarduera analitiko, errepikakor eta indibidualizatuak baztertu eta ulertzeko errazak, kooperatiboak eta atseginak diren jolasak burutuko ditugu. 
Irakasleak planteatu beharreko jarduera edo jolasak ez luke azalpenen luzerik behar, irakaslearen berbaldi luzea hizkuntza ulertzen ez duten ikasleentzat ostopo bat izango baita. Hizkuntza ez ulertzea zailtasuna da, baina ez luke inolaz ere gainditu ezinezko ezintasuna izan behar.
Metodologia berriak, guri bururaturtakoak edo egokitutakoak, frogatu eta aurrera eraman behar ditugu. Asko dugu ikasteko.
Orainarte gai honen inguruan aurkitu dugun guztiak folklorismo itxura du. Afrikako jolasak, munduko jolasak... jakitun askok akats bera egiten du,gure uste apalean behintzat, gorputz hezkuntza eta kulturartekotasunari buruz aritzen direnean, multiculturalismo y educación física adibidez. Afrikako jolas bat ez da inklusiboa Afrikakoa izanagati; jardueraren izaerak egiten du berau inklusibo, ez jatorriak.
Proposamen bat... klikatu HEMEN